Gazetari i BILD që publikoi skandalin e vjedhjes së votave nga PS: E pabesueshme, Rama do negociojë me Lukashenkon!

Gazetari i BILD, Peter Tiede që publikoi skandalin e vjedhjes së votave nga Rilindja, ka reaguar për negociatat e Edi Ramës me presidentin bjellorus Aleksandër Lukashenko.

Përmes një reagimi në “Facebook”, gazetari që lëshoi alarmin për vjedhjen e votave në Shqipëri në vitin 2017, shkruan se është totalisht e pabesueshme që Edi Rama dëshiron të negociojë në krizën bjelloruse, ku përballë do të ketë Lukashenkon.

“Pa shaka: Edi Rama tentoi të nisë negociata me Lukashenkom dje. Për OSBE-në. E pabesueshme!”, shkruan gazetari. Peter Tiede ishte gazetari që nxori në BILD përgjimet e dosjeve 184 dhe 339 për manipulimin dhe vjedhjen e votave në Durrës e Dibër. Ai u padit nga kryeministri Rama në një Gjykatë në Gjermani. Por më pas Rama hoqi dorë nga padia ndaj tij.