Një trup i pajetë është gjetur mëngjesin e sotëm në qytetin Sveti Dorde në Malin e Zi, i cili dyshohet se është i shefit të policisë së Ulqinit, Rudolf Elezović.
Edhe pse identiteti i trupit që është gjetur pajetë, është ende në proces identifikimi, mediat në Malin e Zi bëjnë me dije se ai i përket Elezoviç.
Burimet nga grupi hetimor thonë për mediat malazeze se derimë tani dyshohet se zyrtari i policisë të ketë kryer vetëvrasje.
Zhdukja e Elezoviç u raportua nga gruaja e tij Marina më 27 maj, ndërkohë që pati dyshime se ai mund të ishte gjallë dhe ishte larguar drejt SHBA-ve përmes Shqipërisë.
Elezoviç shërbeu si shef i policisë së Ulqinit për gati gjashtë vjet, deri në vitin 2014, kur u zëvendësua nga Sead Djozovic.
