Home Bota Izraeli thotë...

Izraeli thotë se ka vrarë gjysmën e krerëve të Hamasit, OKB: Gaza s’do e marrë më veten

42
0

Kryeministri izraelit Benjamin Netanyahu pohoi se ushtria e vendit të tij ka vrarë tashmë gati gjysmën e të gjithë krerëve ushtarakë të militantëve të Hamasit në Rripin e Gazës.

Forcat izraelite të mbrojtjes po i shtrijnë operacionet tokësore në të gjithë Gazën. Rreth gjysma e komandantëve të batalioneve të tyre janë vrarë. Gaza duhet çmilitarizuar dhe këtë vetëm IDF-ja mund ta bëjë”, tha Netanyahu.

Ministri i Mbrojtjes, Joav Galant u shpreh dhe ai se tashmë, grupi militant po e humbet gradualisht kontrollin mbi zonën e rrethuar bregdetare. Sipas një deklarate të ushtrisë në Rripin e Gazës u sulmuan së fundmi rreth 250 “objektiva terroriste”. Trupat izraelite vazhduan të hidhnin në erë boshtet e tuneleve dhe të gjenin armë dhe eksplozivë. Ushtarët e shtetit hebre kanë depërtuar tashmë deri në qendër të qytetit Kan Junis, qytetit më të madh në jug të territorit palestinez në Rripin e Gazës, i cili ka qenë nën rrethimin e forcave të armatosura izraelite.

Shefi i OKB-së, Antonio Guterres sakaq i paralajmëroi anëtaret e Këshillit të Sigurimit se sistemi humanitar në Gaza është në prag kolapsi. Rendi publik atje mund të shembet krejtësisht për shkak të bombardimeve dhe mungesës së furnizimit, u shpreh ai teksa aktivizoi përdorimin e një neni të papërdorur prej dekadash, me kërkesën të shmanget katastrofa humanitare në territor Zëdhënësi i Guterresit, i tha BBC se ndërsa ishte diçka shumë e rrallë që një sekretar i përgjithshëm të aktivizojë nenin 99, i cili e nxit Këshillin të veprojë lidhur me luftën në Gaza, por ishte detyruar ta bënte një gjë të tillë përballë vuajtjeve të tmerrshme njerëzore.

LAJMET KRYESORE

Të përzgjedhura

Më shumë nga Bota

Më shumë nga Bota

Lajmet e Fundit

Te Fundit