Ndryshe nga 2019, Kina po përjeton shpërthimin më të madh të koronavirusit që prej përhapjes së lartë në Wuhan. Rastet e zbuluara fillimisht në qytetin Nanzhing, kanë përhapur virusin në 5 provinca të tjera dhe Pekin.
Të paktën 200 persona janë infektuar me koronavirus që prej 20 korrikut, kur u zbulua rasti i parë në aeroportin e Nanzhing. Kjo bëri që autoritetet lokale të pezullonin të gjitha fluturimet në aeroportin e këtij qyteti deri më 11 gusht.
Zyrtarët kanë nisur testimin e të gjithë 9.3 milionë banorëve të këtij qyteti, mes kritikave për dështim në ndërprerjen e zinxhirit transmetues.
Autoritetet kineze theksojnë se varianti Delta qëndron pas këtij shpërthimi të madh të Covid-19. Zhvillimet e fundit kanë bërë që qytetarët të vënë në dyshim nëse vaksinat në dispozicion funksionojnë ndaj variantit Delta.