1 qershori në Kosovë – KQZ gati ti organizojë zgjedhjet e së dielës edhe në veri

Në kohën kur veriu është kthyer në pikë përplasje mes serbëve që garojnë më 11 qershor, Kryetarja e Komisionit Qëndror të Zgjedhjeve, Valdete Daka, ka deklaruar se institucioni të cilin përfaqëson do t’i organizojë zgjedhjet në të gjithë territorin e vendit, përfshirë veriun. Sipas Dakës, çështja e sigurisë është në kompetencën e organeve të policisë dhe të atyre të drejtësisë.

Kryetarja e Komisionit Qëndror të Zgjedhjeve, Valdete Daka, ka deklaruar se institucioni të cilin përfaqëson do t’i organizojë zgjedhjet në të gjithë territorin e vendit, përfshirë edhe  veriun, i kthyer tashmë në fushëbetejë mes serbëve që konkurojnë në garën elektorale të 11 qershorit.

Sipas Dakës, çështja e sigurisë është në kompetencën e organeve të policisë dhe të atyre të drejtësisë.

“Në veri kemi komisionerët tanë dhe vëzhgues nga Bashkimi Evropian. Kështu, do të jemi gati edhe për atje”, u shpreh Daka.

Gjashtë subjekte politike serbe janë në garë  për zgjedhjet parlamentare të 11 qershorit në Kosovë dhe gjatë këtyre ditëve  fushatë janë ‘nxehur gjakrat’ ndërmjet disa prej tyre.

Veriu i Republikës ka qenë cak i përplasjeve ndërmjet përfaqësuesve të Listës Srpska të Slavko Simiç dhe partisë së ish-Ministrit Aleksandër Jabllanoviç.

Por sipas Dakës, këto fërkime nuk mund të ndalojnë proçesin e zgjedhjeve ditën e diel.

Dialogu me Serbinë dhe sigurisht që është pjesë integrale e fushatës elektorale të zgjedhjeve të parakohshme.

Kandidati për Kryeministër i koalicionit PDK, AAK dhe Nisma, Ramush Haradinaj ka deklaruar se në rast fitoreje do të ndryshojë jo vetëm qasjen e bisedimeve, por edhe substancën.

Ai tha se çështjet e brendshme të Kosovës nuk do të jenë temë e diskutimit në këtë dialog, por vetëm çështje dypalëshe.

/Oranews.tv/