19 viktima nga Covid-19 në 24 orët e fundit

Kosova ka shënuar në 24 orët e fundit, 19 viktima, për një total prej 1106 fatalitetesh. Po ashtu, Instituti i Shëndetit Publik, ka raportuar se nga 1314 testime të kryera, në 24 orët e fundit janë konfirmuar pozitivë me koronavirus 468 persona. Vatra kryesore në vend, vijon të jetë Prishtina me 277 infeksione ditore. Lajmi i mirë është se, në 24 orët e fundit, janë shëruar 683 pacientë. Me shifrat e sotme, numri total i rasteve pozitive është 42805 prej të cilave aktivë janë 13195 pacientë.