19-vjetori i masakrës së Studimes, si u vranë 116 shqiptarë brenda dy orëve

Më 2 maj 1999, civilë shqiptarë të fshatit Studime të Vushtrrisë ne Kosove u morën dhe u vranë nga forcat serbe. Sot e asaj dite ende nuk është vënë drejtësi për viktimat.

Në shenjë përkujtimi për viktimat e masakrës së 2 majit të vitit 1999 në fshatin Studime të Vushtrrisë, zyrtarët e kësaj komune nën drejtimin e kryetarit Xhafer Tahiri kanë organizuar një akademi përkujtimore.

Akademia mbahet sot duke filluar nga ora 12 në varrezat e martirëve në fshatin Studime të Vushtrrisë.

Më 2 majit të vitit 1999 në fshatin Studime të Vushtrrisë, brenda dy orëve ishin pushkatuar nga paramilitarët serbë 116 persona që ishin në kolonë për tu shpërngulur në drejtim të Shqipërisë.

Shumë te tjerë ishin plagosur e me mijëra tjerë pas arrestimit nga forcat serbe ishin larguar për në Shqipëri. Për këtë rast ende nuk është vënë drejtësi as nga institucionet vendore e as nga ato ndërkombëtare.