41 vende ku kosovarët mund të udhëtojnë pa viza

Pasaporta e Kosovës renditet si e 85-ta në klasifikimin e pasaportave më të “fuqishme” në bazë të “Ranglistës së pasaportave botërore” , sipas një artikulli të publikuar kohëve të fundit në Forumin Botëror Ekonomik të Internetit.

Kosova renditet në të njëjtin nivel me Korenë e Veriut, duke marrë parasysh se qytetarët e të dy vendeve mund të udhëtojnë në 41 vende pa viza, transmeton rtk raportimin e mediumit ndërkombëtar “Global News Network”.

Kosova renditet poshtë shumë shteteve afrikane të tilla si Nigeria, Kongo, Liberia dhe Burundi.

Ndërsa vendet e rajonit janë renditur si më poshtë:

Shqipëria (94 vende pa viza),

Serbia (112),

Kroacia (143),

Maqedonia (107),

Mali i Zi (103),

Bosnje dhe Hercegovina (98).

Në krye të listës janë Gjermania dhe Suedia, qytetarët e të cilit mund t’i vizitojnë 158 vende, pa pasur nevojë për të aplikuar për vizë.

Britania e Madhe renditet në vendin e dyte së bashku me Francën, Spanjën, Zvicrën dhe Finlandën.