60 mijë shqiptarë kërkojnë pasaportën serbe

Ministri serb i policisë, Nebojsha Stefanoviç, ka thënë se në Serbi aktualisht janë bërë 60 mijë kërkesa të shqiptarëve të Kosovës për marrjen e pasaportës të Serbisë.

“Kemi 60 mijë kërkesa të shqiptarëve të Kosovës për të marrë pasaportën e shtetit tonë”, ka thënë Stefanoviç, raporton B92.

Stefanoviç ka thënë se këtë kërkesë ai e interpreton si dëshirë të tyre që Serbia të jetë atdheu i tyre.

“Një numër i madh shqiptarësh dëshiron ta njohë Serbinë si vendin e tij. Unë kështu e interpretoj”, ka thënë Stefanoviç, raporton Koha Ditore.