A ka rënë qeveria në Kosovë? Ministrat nuk i shkojnë Haradinajt në mbledhje
Kryeministri i Kosovës Ramush Haradinaj nuk ka mundur të mbajë dot sot mbledhjen e parashikuar të kabinetit qeveritar.
Kjo ka ndodhur sepse në mbledhjen e Këshillit të Ministrave kanë munguar kuorumi i nevojshëm për ta mbajtur atë.
Kryeministrit Haradinaj mësohet të ketë shprehur mospajtimin e thellë me aktin e disa prej ministrave të qeverisë.
“Shpreh mospajtim me faktin që s’ka kuorum. E di që kanë angazhime, por mbledhja e qeverisë duhet të ketë prioritet.” – mësohet të jetë shprehur për mediat Ramush Haradinaj.
Ende nuk dihet nëse kryeministri ka ndërmarrë ose jo shkarkimin e ministrave që bojkotuan mbledhjen. Megjithatë ai është shprehur se do të bisedojë me partnerët e koalicionit për t’i shkarkuar ata.
“Do të bisedoj me partnerët e koalicionin për t’i shkarkuar nëse ata mungojnë.” – tha Haradinaj.