Albin Kurti kujton protestat: Ata që duan ta ndajnë Kosovën, ndahen nga Kosova

Ish-kryeministri i Kosovës, Albin Kurti shprehet se këtë të martë u bënë dy vjet nga protesta më e madhe e periudhës së pasluftës. Kurti kujton se i gjithë vendi jehonte nga thirrjet: “Një populli s’i nënshtrohet një njeriu”. Në fund ai ka edhe një mesazh, “ata duan ta ndajnë Kosovën, ndahen nga Kosova”.

“Dy vjet u bënë sot nga protesta më e madhe e Kosovës së pasluftës. Sheshet “Skënderbeu” e “Ibrahim Rugova” si dhe bulevardi “Nëna Tereze” në Prishtinë ishin mbushur përplot me qytetarë sa s’zinte më. I gjithë vendi po jehonte: “Një popull s’i nënshtrohet një njeriu”.

Mbrohej republika dhe kundërshtoheshin planet e bisedimet me Serbinë për ndarjen e Kosovës, që herë quhej “shkëmbim territorial”, herë “razgraničenje”, e herë “korrigjim kufiri” me “kompromis të dhimbshëm”. Ata që duan ta ndajnë Kosovën, ndahen nga Kosova” shkruan Kurti.