Albin Kurti: Serbia po kërcënon me luftën e tretë ballkanike

Kryeministri i Kosovës, Albin Kurti, në një intervistë për gazetën britanike “The Telegraph” ka thënë se Serbia është duke kërcënuar me luftën e tretë ballkanike.

Kurti ka akuzuar presidentin Vuçiç se po sillet si Gjermania mes dy luftrave botërore.

“Ata duan të sillen sikur të jenë Gjermania mes dy luftrave botërore: Nëse nuk do të na kënaqni, ne do ta shkaktojmë edhe një[luftë] tjetër. Sepse e kanë bërë një herë në vitet e 90-ta”, ka thënë Kurti.

Presidenti i Republikës së Kosovës shtoi se Serbia ka rritur tej mase shpenzimet për ushtrinë.

“Nëse i kontrolloni shifrat për shpenzimet ushtarake të shpenzuara në Serbi, të cilat vitet e fundit janë rritur në qiell. Për kë po i blejnë të gjitha këto?.Fakti që po e them këtë me shumë qetësi, është sepse e kam parë teksa muaj e vite më parë”, shtoi ai. “Është një analizë racionale – jo emocional”, ka thënë tutje Kurti.