Arrestohet edhe një deputet tjetër

Deputeti i “Vetëvendosje”-s, Faton Topalli, raportohet se është arrestuar pak minuta më parë brenda Kuvendit të Kosovës nga Polica e Kosovës. Arrestimin e tij e kanë konfirmuar për "Express" zyrtarë të “VV”-së. 

Kujtojmë se Faton Topalli kishte gjuajtur me gaz lotsjellës dhe ka gati një muaj që ka qëndruar në arrati. Teksa po sot, Policia e Kosovës ka arrestuar edhe deputeten tjetër të “VV”-së,  Albulena Haxhiu.

E para që u arrestua për hedhje të gazit lotsjellës në Kuvend ishte deputetja e AAK-së, Donika Kadaj-Bujupi dhe pas saj Albin Kurti i “VV”-së, i cili u kap nga policia brenda selisë qendrore të Lëvizjes më 28 nëntor.