Begaj uron qeverinë e re të Kosovës: Urime Kryeministrit, Albin Kurti!

Presidenti Bajram Begaj ka uruar qeverinë e Kosovës dhe Kryeministrin Albin Kurti për mandatin e ri qeverisës.

“Urime Qeverisë së Republikës së Kosovës dhe Kryeministrit z. Albin Kurti! I uroj suksese në mandatin e ri, në drejtimin e Qeverisë drejt progresit, zhvillimit dhe begatisë së popullit të Kosovës.

Shpreh bindjen se përkushtimi dhe bashkëpunimi në dobi të shtetit dhe qytetarëve do të udhëheqin të gjithë klasën politike të Kosovës në përballimin e sfidave që janë përpara. Ju sigurojmë për vijimin e mbështetjes vëllazërore për Qeverinë tuaj dhe bashkëkombasit tanë”, shkruan Begaj në një mesazh në rrjetet sociale.