Ben Andoni: Ndarja e territoreve Kosovë-Serbi, po rivendoset në tavolinë

Në një lidhje me emisionin Arena nga Dritan Hila, në RTV ORA, analisti Ben Andoni ka thënë dje se ndarja e territoreve Kosovë-Serbi, po vjen përsëri në tavolinë, me zhvillimet e fundit.

“Kam frikë se ndarja e territoreve po vjen përsëri në tavolinë, dhe kjo duket nga presioni shumë i madh i administratës amerikan, por këtë do e shohim kur vetë administrata amerikane do të relaksohet pak nga impakti shumë i madh i pandemisë. Pasi ju e dini se zotit. Trump, javët para zgjedhjeve do i duhen asete për tu përballur me kundërshtarin, dhe i duhen gjëra të prekshme, dhe Kosova është gjëja më e prekshme për të”, tha Andoni.

Ai u shpreh se teorikisht PDK, LDK, së bashku me partitë e vogla e ka mundësinë për të formuar qeverinë, por praktikisht është e pamundur.

Ai shtoi se LDK-së i intereson që të mbajë këtë gjendje të nderë, ku fajëson Vetëvendosjen dhe e zbret nga kuota dhe ata të përgatiten, pa shkuar në zgjedhje, për atë që do të ndodhë pas pandemisë.

Hila: Juve mendoni se ka një shans që pa shkuar në zgjedhje të parakohshme, të formohet një qeveri PDK, LDK dhe partitë e vogla?

Andoni: Teorikisht është e mundur, por praktikisht jo, sepse askush nuk do të donte të merrte përgjegjësi në këtë momente. Edhe LDK-së momentalisht i intereson që të mbajë këtë gjendje të nderë, ku fajëson Vetëvendosjen dhe e zbret nga kuota dhe ata të përgatiten, pa shkuar në zgjedhje, për atë që do të ndodhë pas pandemisë. Gjithë ajo që po bën LDK-ja është që të marrë revansh pas lehtësimit të masave dhe rënies së të infektuarve dhe kuotave në Kosovë.