Cakaj: 3 mesazhet që mora nga Grenell për Kosovën

Gjatë konferencës për shtyp së bashku me kryeministrin Edi Rama në Prishtinë, Ministri i Jashtëm në detyrë i Shqipërisë, Gent Cakaj, tregoi ndër të tjera edhe për tre mesazhet që mori në takimin me të dërguarin e posaçëm të SHBA për dialogun Kosovë-Serbi. Cakaj tha se vizita e tij në Uashington ishte planifikuar para pandemisë dhe nuk ishte lidhur drejtëpërdrejtë për çështjen e Kosovës.

1-Nuk ka marrëveshje sekrete.
2-Nuk ka ndarje të Kosovës. Kush i ka sytë në ballë dhe mend në kokë nuk beson se as qeveria e Shqipërisë dhe as e Kosovës nuk bën llogari për të bërë plane të ndarjes.
3-Nuk ka nxitim për një marëveshje të shpejtë në dëm të Kosovës. Duhet të kemi parasysh që koordinimi me SHBA është thelbësor.