“Cinizmi” i BE-së: Thonë se ka plotësuar të gjitha kushtet, por nuk i heqin vizat Kosovës

Shefja e BE-së në Kosovë, sot është shprehur se Kosovës, nuk do t’i vihen kushte të reja për liberalizimin e vizave, pasi siç thotë ajo tanimë të gjitha kushtet e parakushtet, janë plotësuar.

E gjitha thotë ajo, tani mbetet tek shtetet anëtare për të marrë vendimin.

“Vitin e kaluar politika kosovare kishte shpallur data që liberalizimi i vizave do të ndodhë deri në fund të vitit, përndryshe duhet të them që komisioni evropian e ka kryer punën e vet, është dhënë rekomandimi për parlamentin dhe këshillin e Bashkimit Evropian, tash topi është në oborrin e shteteve anëtare për të marrë vendimin. Më duhet të theksoj se nuk do të ketë më kushte të tjera sa i përket çështjes se liberalizimit të vizave, dhe se gjitha parakushtet qe kanë pas për tu plotësuar janë plotësuar tashmë”, ka thënë Apostolova.

Mirëpo, shefja e BE-së nuk ka kujtuar kohën kur ata i premtonin Kosovës heqjen me automatizëm të vizave, sapo të kalojnë kushtin e fundit, që ishte Demarkacioni me Malin e Zi.

Ndryshe, Kosova është vendi i vetëm në Ballkan që ka regjim vizash, dhe nuk ka shpresë që ato do të hiqen shpejt.