Çmendet media serbe, e quan Haradinajn “përbindësh”!

Shtypi i verdh serb, veçmas gazeta me gjuhën më të gjatë të shpifjeve “Kurir”, tmerrohet me lirimin e Ramush Haradinajt, nga autoritetet franceze, përkundër fletë – arrestit dhe presioneve të Beogradit, për ekstradim e tij në Serbi.

“Kurir”, në numrin e saj festiv, me rastin e Vitit të ri serb, të 13 janarit, me dhuratë për lexuesit Kalendarin e krishter, nxjerr në ballinë të saj foton e Ramush Haradinajt, me titujt më skandaloz: “Mizoritë e Haradinajt dhe UÇK-ja. Ky përbindësh është në liri, ka ther fëmijën në djep! “Ja koka e fëmijës, zini fasule me mish!””,- shkruan kjo media.

Kjo gazetë e përditshme beogradase dhe disa të tjera të njohura si “Kurir”, nuk lënë ditë pa mbushur faqet e tyre me akuza dhe insinuata kudër Ramush Haradinajt dhe UÇK-së, duke helmuar lexuesit me propaganda nga më të çmendurat, që kap ndonjëherë syri i njeriut.

Sevdail Hyseni

SHKARKO APP