COVID-19/ Kosova shënon 807 raste të reja dhe 14 viktima

Përkeqësohet situata e pandemisë COVID-19 në Kosovë. Instituti Kombëtar i Shëndetësisë Publike njofton se nga 1.816 testime kanë rezultuar pozitivë 807 persona në 24 orët e fundit.

Po në 24 orët e fundit kanë humbur jetën 14 persona. Rastet e vdekjes janë regjistruar në komunat: Ferizaj 3 raste (87, 78, 56 vjeç), Fushë-Kosovë 2 raste (69, 51 vjeç), Prishtinë 2 raste (77, 73 vjeç), Gjilan 1 rast (77 vjeç), Kamenicë 1 rast (87 vjeç), Mitrovicë 1 rast (73 vjeç), Podujevë 1 rast (85 vjeç), Rahovec 1 rast (70 vjeç), Shtime 1 rast (61 vjeç) dhe Suharekë 1 rast (71 vjeç).

Gjithashtu, Instituti i Shëndetësisë Publike bën me dije se janë shëruar 677 pacientë ndërsa numri i përgjithshëm i të shëruarve deri më sot është gjithsej 19.024 raste.

Numri total i rasteve pozitive prej fillimit të pandemisë në Kosovë është 32.022 raste, nga të cilët 874 persona kanë humbur jetën.

Kosova aktualisht regjistron 12.124 raste aktive.