COVID-19 në Kosovë, 1 viktimë dhe 17 raste të reja

Instituti Kombëtar i Shëndetësisë Publike në Kosovë ka njoftuar se në 24 orët e fundit është regjistruar një viktimë nga COVID-19.

Po gjatë këtij harku kohor, janë shënuar dhe 17 raste të reja me COVID-19 nga 1.774 teste të kryera. Ndërkohë, janë shëruar 112 pacientë, ndërsa raste aktive janë 531.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë janë regjistruar 107,571 të infektuar, prej të cilëve 104,791 janë shëruar, ndërsa 2,249 kanë vdekur.