Daçiç: Serbia, tashmë është përforcuar në Kosovë

Shefi i diplomacisë serbe, Ivica Daçiç, ka deklaruar se tashmë pozita e Serbisë në Kosovë është përforcuar, duke shtuar se nuk ka më arsye që diçka të mos zbatohet.

Para ikjes së tij në New York në mbledhjen e Këshillit të Sigurimit, ai ka thënë se Lista Serbe me sjelljen e saj konstruktive ka kontribuuar në përforcimin e pozitës së popullit serb në Kosovë.

“Pozita jonë është përforcuar duke marrë para sysh se në konfliktet e brendshme, destabilitetin dhe demonstratat, Lista Serbe është sjellë në mënyrë konstruktive dhe kjo sjellje ka qenë në interesin tonë”, ka thënë ai për Radio Beograd.

Në fund, Daçiç ka akuzuar autoritetet e Kosovës për, siç ka thënë ai, moszbatimin e Marrëveshjes së Brukselit.