Dedikimi prekës i Thaçit për babanë: Në spital thashë lamtumirë, nga Haga mirupafshim në parajsë

Ish-presidenti Hashim Thaçi nuk ishte i pranishëm në ceremoninë e varrimit të babait. Por ai është kujdesur të dërgojë mesazhin e fundit përpara se të varrosej.

”Në spital të thashë lamtumirë babë! Nga Haga të them mirupafshim në parajsë”,-janë fjalët me të cilat Hashim Thaçi kishte veshur kurorën me lule që iu vendos në banesën e fundit babait të tij.

Ish-presidenti ndodhet në dhomat speciale të Hagës, dhe u ndalua të merrte pjesë në ceremoninë mortore nga gjykata speciale e Hagës e cila nuk ka dhënë një sqarim të qartë deri më tani për këtë veprim.