Dy ditë pas zgjedhjeve, Ambasadori amerikan në zyrën e Albin Kurtit

Dy ditë pas zgjedhjeve në Kosovë të cilat nxorën fitues Albin Kurtin dhe Vjosa Osmanin, ambasadori amerikan Philip Kosnett ka shkuar sot në zyrat e Lëvizjes Vetëvendosje.

Kosnett ka mbajtur takim me liderin e këtij subjekti, Albin Kurti.

Telegrafi mëson se së shpejti do të ketë një komunikatë për media lidhur me atë se çfarë kanë diskutuar në takim.

Komisioni Qendror i Zgjedhjeve, mbrëmë ka përfunduar procesimin e votave në ueb faqen e tyre, ku LVV është e para me 47,85% apo 378,550 vota.