“Edi Rama nuk na pajton me Serbinë”

Analisti Lumir Abdixhiku thotë se as Edi Rama e as Shqipëria nuk kanë të drejtë të flasin për pajtueshmëri serbo-shqiptare duke injoruar mendimin e pëlqimin – dhe rrjedhimisht ekzistencën – e shqiptarëve të Kosovës; të shkelurit e vetëm këndej.

“Kë me kënd po pajtojnë ata?”, pyet ai, në një status të postuar në Facebook.

“Rama nuk ka as autorizim, as kredibilitet e as të drejtë të falë, flasë e pajtohet për Kosovën; as për të ardhmen, as për të tashmen e edhe më pak për të shkuarën shqiptaro-serbe në Kosovë”.

“Kosova është Republikë, shtet në vete. Ka të zot të vet, popullin e vet, dhe nëse ka për të falë e pajtuar diçka, mund ta bëjë vet. As edhe gjë prej gjëje me çka pajtohet Rama e Vuçië nuk ka rëndësi këndej – hiç”.

“Përndryshe, shtrimi i çështjes së Kosovës si problem në mes të Tiranës e Beogradit është tezë e promovuar nga Serbia ka herë; formë e mohimit të Republikës. Fatkeqësisht, për shkak të tolerancës tonë, ajo veçse ka marrë hov mirë”, shkruan analisti Lumir Abdixhiku.