Edith Harxhi: Çfarë ndodh nëse nuk arrihet marrëveshja VV-LDK

Edith Harxhi nga Albanian Policy Center në studion e Abc News me gazetarin Endri Xhafo ka komentuar situatën politike në Kosovë, teksa vendi është ende pa një qeveri.

Harxhi u shpreh se nëse nuk arrihet marrëveshja VV-LDK ka dy rrugë, ose do të shkohet në zgjedhje të parakohshme, ose një alternativë tjetër është edhe qeveria teknike.

“Në rast se nuk do të ketë një marrëveshje unë mendoj se Kosova ose do të shkojë drejt zgjedhjeve që do të ishte fatale, ose përndryshe do të ketë një qeveri teknike afatgjatë për të zgjidhur problemet. Kemi një ndryshim të madh midis asaj që do populli i Kosovës dhe asaj se çfarë mund të arrihet duke përfsihrë edhe ndërkombëtarët. Faktori ndërkonbëtar është i interesuar për një dialog dhe mbyllja e çështjes me Serbinë”, tha ajo