Fshesë në diplomacinë e Kosovës, Konjufca kthen në shtëpi 35 diplomatë, këshilltari i tij: U ka mbaruar mandati

Glauk Konjufca duket se ka vendosur të bëjë rotacion në diplomacinë kosovare. Pasi tërhoqi 7 ambasadorë të Kosovës, mes të cilëve dhe Vlora Çitakun nga SHBA si dhe shkarkoi 14 konsuj tashmë radhën e kanë 35 diplomatë të tjerë .

Këshilltari i ministrit të jashtëm, Kreshnik Ahmeti thotë se arsyeja e këtij rotacioni është se këtyre diplomatëve u ka mbaruar mandati. Po ashtu ai bën me dije se diplomatët e karrierës do vijojnë angazhimin në atdhe kurse ata diplomatë politikë do lirohen nga detyra.