Fushata në Kosovë, partitë shfrytëzojnë letrën e Biden për Vuçiç

14 shkurti po afron dhe partitë politike në Kosovë janë drejt mbylljes së fushatës zgjedhore. Mbështetja e Administratës Biden për një marrëveshje gjithëpërfshirëse Kosovë-Serbi me njohje reciproke është shfrytëzuar nga partitë në pushtet për fushatë elektorale.

LDK-ja, PDK-ja dhe AAK-ja kanë përmendur letrën e Presidentit amerikan, Joe Biden drejtuar presidentit serb, Aleksandër Vuçiç duke thënë se ky realitet është ditur moti dhe se dialogu nën drejtimin e tyre do të përfundoj shpejtë.

Letra nuk është komentuar nga LVV-ja dhe lista e Vjosa Osmanit. Ndryshe nga të tjerët, Haradinaj në një tubim tjetër ka thënë se nëse nuk ka njohje atëherë si pretendent për president do të iniciojë bashkim me Shqipërinë.