Gani Koçi, Limajt: Kujtohesh, kush të futi në politikë dhe cili të bëri magjistër shkencash!

Zëvendësministri i Zhvillimit Ekonomik (MZHE), Gani Koci, duke e komentuar fjalimin e liderit të “Nisma për Kosovën”, Fatmir Limaj, ka theksuar se ai është turpëruar me qëndrimin e tij “dinjitoz” në Gjykatën e Hagës, por se sipas tij, i janë gëzuar lirimit të tij.

Koçi në rrjetin social “Facebook”, duke shkruar për Limajn është shprehur “dije se je turpi i politikës dhe demokracisë kosovare”.

“Nga kjo nuk mund të shpëtosh. Perëndimi yt tashmë nuk ka të ndalur. Mos ia fut kot me rregulla juridike e drejtësi, kujtoje kush të futi në politikë dhe cili ishte tjetri që të bëri magjistër të shkencave juridike. Nuk e din as çfarë titulli kishte punimi yt i magjistraturës. Aman mos na shit mend të paktën neve që të njohim”, – ka shkruar ai.