Gazeta ”Blic”, zbardh pikat e marrëveshjes Kosovë-Serbi

Përfaqësuesit e Beogradit dhe Prishtinës nënshkruan një marrëveshje në Uashington në lidhje me bashkëpunimin ekonomik midis të dy palëve. Siç zbulon ekskluzivisht “Blic”, sipas asaj marrëveshje, Prishtina do të bashkohet me iniciativën e mini-Schengen, ndërtimin e autostradave dhe hekurudhave të reja që do të lidhin rajonin dhe zyra e Fondit Amerikan të Zhvillimit do të hapet në Beograd.

Në ceremoninë e nënshkrimit të kësaj marrëveshjeje mori pjesë kryeministri i Kosovës, Avdullah Hoti dhe presidenti i Serbisë, Aleksandar Vuçiç. Marrëveshja u nënshkrua në prani të presidentit të Shteteve të Bashkuara, Donlad Trump. Lajmi e bëri të ditur asistenti i presidentit Trump, Judd Deere.

“Presidenti Trump njofton se Kosova dhe Serbia kanë arritur marrëveshje për normalizim ekonomik. Edhe një marrëveshje historike e arritur nga ky president, që e bën botën më paqësore dhe më presporues”, ka shkruar ai në Twitter.