Gazsjellësi TAP, Kosova aplikon të bëhet pjesë

Qeveria e Kosovës edhe zyrtarisht ka aplikuar për përfshirje në rrjetin e Gazsjellësit Trans Adriatik (TAP).

Ky projekt ka parashikuar ndërtimin e tubacionit të gjatë 878 kilometra, që do të transportojë gaz natyror nga fusha gjigante e Shah Denizit II, në Azerbajxhan (rajoni Kaspik). Lajmin për aplikimin e ka dhënë ministri i Zhvillimit Ekonomik, Blerand Stavileci.

Ndërsa, më shumë hollësi ka dhënë zyra për informim e kësaj ministrie.

Në MZHE kanë thënë se hyrja e këtij projekti në kuadër të listës PECI-2016 ka përparësi të mëdha për Kosovën dhe nëse do të kualifikohet për të hyrë në Listën PECI-2016, automatikisht do të trajtohet si projekt me prioritet.

Nëse gjithçka shkon sipas planifikimit fillestar, afati i realizimit të projektit është parashikuar të jetë deri në fund të vitit 2022.