“Gjithçka ndodhi në sy të gruas”, rrëfehen për herë të parë 3 kosovarët e përdhunuar nga serbët

Në emisionin “Udhëve” në RTK, si asnjëherë më parë tre burra rrëfejnë përjetimet e tyre të rënda gjatë luftës, se si u bënë viktima të përdhunimeve nga policia serbe.

Burri në rastin e parë tregon se ishte vetëm 15 vjeç kur u përdhunua nga tre serbë, ndërsa kishte zgjedhur që të fliste më në fund pas 17 vjetësh pasi kishte dëgjuar se nuk ishte i vetmi që kishte përjetuar një gjë të tillë.

“Gjatë luftës s’jam larguar kurrë, në shtëpinë time kanë ardh 3 vetë më kanë kap ma ka shti njoni thikën në fyt, mi kanë lidh edhe kanë fillu”,- rrëfen rastin viktima e përdhunimit.

Ai thotë se deri në vitin 2015 nuk ka folur më askënd për këtë punë, ndërsa në vitin 2015 tregon se kishte shkuar në EULEX për treguar.

Rasti i dytë i përdhunimit ishte një burrë i martuar, kishte edhe fëmijë. Ai tregon se kishte jetuar në Kroaci por vendosi që të kthehet të luftonte për Kosovën. Më e tmerrshme në gjithë këtë, ishte fakti se burrë e grua që të dy u përdhunuan në të njëjtën dhomë.

Ai tregon se pasi i ka ndodhur rasti vetëm pas një jave i ka treguar gruas “Oj gru më kanë bo hor”, rrëfen ai.

“Më kanë dhunu forcat serbe gjatë luftës. Fëmija e mi nuk e dinë. Kam problem më shëndet kam stres. Kam dhimbje në mjedis”, rrëfen ai. Ndërsa thotë se përdhunuesit nuk i njeh.

Nga institucione e Kosovës ai pret kujdes respekt për përdhunimet e luftës seksuale në Kosovë.

Viktima e tretë duke folur për përdhunimin që iu bë gjatë luftës thotë se 7-8 policë i kishin hyrë në shtëpinë e tij. “Kanë hyrë brenda, veç me shoqen kam qenë në shtëpi”, thotë ai. Atë moment e përshkruan si një rast të tmerrshëm, ndërsa thotë se kishte shumë turp për këtë që i bënë. Për përdhunimin tregon se kurrë s’ka folur me askënd deri më sot.
/BW