Haradinaj emëron një serbe si ministre të Bujqësisë

Kryeminstri Ramush Haradinaj e ka emëruar Dijana Ziviq, ministre të Bujqësisë, Pylltarisë dhe Zhvillimit Rural, Dijana Ziviq.

Haradinaj këtë emërim e ka bërë për të zëvendësuar Nenad Rikallon.

“Kam emëruar sot ministre të Bujqësisë, Pylltarisë dhe Zhvillimit Rural, Dijana Ziviq. Ministres së re i dëshirova suksese në detyrën e saj dhe e sigurova për mbështetjen time të plotë, në shërbim të qytetarëve të Republikës së Kosovës dhe përmbushjen e objektivave të këtij dikasteri qeverisës”, ka shkruar Haradinaj në Facebook.

Mirëpo, i pari i Qeverisë nuk ka treguar nëse Dijana Ziviq është pjesë e Listës Serbe, parti e cila disa herë njoftoi se ishte larguar nga Qeveria, ani pse vazhdonte të mbante pozitat.

Nenad Rikallo ishte shkarkuar nga Kryeministri Haradinaj, pasi që kishte qenë pjesë e marrëveshjes me PSD-në.