Haradinaj: Nesër sërish protestë!
Kryetari i Aleances per Ardhmerine e Kosoves ramush Haradinaj ka perseritur thirrjen per protesta neser ne oren 12 para qeverise. Ai ka theksuar se partia e tij "asnjëherë nuk dështoi të dedikojë vetëveten në përpjekjet afatgjata të konsolidimit të një shoqërie kosovare të lirë e të barabartë, të ndërtimit të institucioneve të forta të shtetit, dhe fitores së pavarësisë."
Haradinaj thote se ndjehet i shqesuar për gjendjen dhe të ardhmen e Kosovës e qytetarëve.
"Kjo Qeveri çdo ditë e më shumë po dështon t'ia rikthejë shpresën e rrënuar vendit, duke vazhduar me veprime injoruese dhe ofenduese, duke rrënuar shtetin e vështirësuar jetën tonë. Situata po bëhet serioze. Çdo ditë jemi vonë!
Në përputhje me shqetësimet qytetare, në frymë paqësore dhe të civilizuar, ftoj qytetarët që të takohemi nesër në vazhdimin e protestës gjithëpopullore me fillim nga ora 12:00.
Nesër të dëshmojmë se kërkesat tona janë të drejta dhe legjitime, duke protestuar qetësisht."
