Haradinaj për sulmin në New York: Krim i pafalshëm i atyre që nuk e duan lirinë

Kryeministri i Kosoves, Ramush Haradinaj ka reaguar për sulmin në New York, duke thënë se sulmi i tillë është krim i pafalshëm i atyre që nuk e duan lirinë.

Haradinaj shkruan se qytetarët dhe Qeveria e Kosovës ndajnë dhimbjen me familjarët e viktimave dhe popullin amerikan.

“Sulmi i egër mbi jetët e pafajshme njerëzore në New York City është krim i pafalshëm i atyre që nuk e duan lirinë. Populli dhe Qeveria e Kosovës ndajnë dhimbjen me familjarët e viktimave dhe popullin amerikan dhe qëndrojnë fuqishëm në krah të Shteteve të Bashkuara të Amerikës në përballje me të keqën”, shkruan Haradinaj në Facebook.