Haradinaj: Sot të gjithë jemi gazetarë!

“Sot të gjithë jemi gazetarë!” gjykon Ramush Haradinaj, ish-Kryeministri i Kosovës, në ditën ndërkombëtare të Lirisë së Shtypit.

“Mbrojtja e gazetarëve dhe medies së lirë është ndër parimet e panegociueshme – thekson Haradinaj – dhe është obligim institucional e shoqëror ta ruajmë dhe avancojmë këtë segment të lirisë sonë!

Sot, në Ditën Botërore të Lirisë së Shtypit, por edhe çdo ditë tjetër, jemi në krah të tyre, në mbrojtje e respekt të fjalës së lirë. Kushdo që kërcënon, shantazhon, ushtron presion dhe sulmon mbi medien e lirë, mbi demokracinë tonë, është i humbur, sepse ka përballë një front të madh të bashkuar.”