I dërguari i Posaçëm i SHBA: Pres një datë tjetër për takimin Kosovë-Serbi në Washington

Richard Grenell, i dërguari i posaçëm i Shteteve të Bashkuara të Amerikës, për dialogun Kosovë-Serbi shprehet se është në pritje të një date të re për negociatat mes dy shteteve.

Grenell thotë se kupton vendimin e kryeministrit Avdullah Hoti për anulim të pjesëmarrjes në takimin e planifikuar për 27 qershor në Shtëpinë e Bardhë.

“Faleminderit kryeministri Hoti. E kuptojmë vendimin tuaj dhe presim të ricaktojmë takimin së shpejti”, ka shkruar Grenell në Twitter si përgjigje e postimit të Hotit ku kishte shkruar se “për shkak të zhvillimeve në Prishtinë i duhet të kthehet në vend që të merret me situatën”,- deklaroi Grenell.

Sot kryeministri i Kosovës, Avdullah Hoti, bëri të ditur se anuloi pjesëmarrjen në takimin në Washington, pas situatës së re të krijuar, me ngritje e akuzës ndaj presidentit Hashim Thaçi nga Zyra e Prokurorit të Specializuar në kuadër të Gjykatës Speciale.  Dje presidenti Hashim  Thaçi njoftoi se ka anuluar vizitën në SHBA, pas kësaj akuze.