Isa Mustafa: S’kemi nevojë për mësime nga Shqipëria!

Kryeministri i Kosovës, Isa Mustafa, ka uruar që Shqipëria të mos kalojë asnjëherë nëpër atë që është duke kaluar për momentin Kosova.

“Uroj që në Shqipëri të mos ketë gaz lotsjellës”, ka thënë Mustafa, në mbledhjen e sotme të qeverisë.

Nga ana tjetër, sipas tij, qeveria të cilën ai udhëheq, nuk ka nevojë për mësime nga Shqipëria.

Këto komente të shefit të qeverisë kosovare erdhën pas polemikave që u bënë kohëve të fundit nga personalitete të ndryshme në Shqipëri të jetës politike e publike, kur u arrestua deputeti opozitar Albin Kurti.