Ish-kryeministri Haradinaj i tha kryeministrit Kurti: “Ia q…nanën vendit e vetit” dhe ikën nga takimi zyrtar

Kryeministri Albin Kurti sot në mëngjes priti krerët e partive opozitare në zyrën e tij për të folur mbi ngjarjet e fundit në veri të vendit.

Ajo që po u thoshte Kurti s’i pëlqeu aspak kreut të AAK-së, Ramush Haradinaj, i cili doli nga zyra e tij para se të përfundonte takimi.

Haradinaj, ndërsa po largohej nga takimi, e ka sharë kryeministrin Kurti.

“Nëse vazhdon qishtu, ja q*ve nanën vendit dhe vetit (vetes)” – është fjalia që Haradinaj ia ka thënë Kurtit në largim e sipër.

Për largimin e Haradinajt nga takimi, kryeministri Kurti tha se nuk e komenton dhe se këtë punë e bëjnë analistët.

“Për atë se kush, si sillet nuk mendoj që duhet t’i lë pa punë analistët nëpër debatet e mbrëmjes”, tha Kurti pas takimit.

Derisa në komunikatën e Zyrës së Kryeministrit thuhej se opozita mbështeti Qeverinë për respektimin e ligjshmërisë në krejt territorin./Nacionale/