“ISIS…”, thirrja që tmerroi Prishtinën

Mjaftoi që dikush përmendi fjalën “ISIS…” dhe qytetarët e mbledhur në sheshin kryesor të kryeqytetit kosovar në festivalin e “Beer Fest” t’i kapë paniku, aq sa të mos gjenin dot edhe rrugën nga të iknin.

Ndërsa krisma e armëve në sheshin e Prishtinës, në afërsi të festivalit “Beer Fest”, për disa minuta ka shtangur qytetarët e shumtë që ishin mbledhur për këtë festival.

“ISIS mund të jetë…”, ishte kjo thirrja që shkaktoi panik, nga e cila u lënduan shumë qytetarë, e shumë fëmijë bën që të ndahen për disa çaste nga prindërit, që kishin dalë së bashku në këtë ngjarje të përvitshme.

Sipas dëshmitarëve që kanë qenë në vendin e ngjarjes, thuhet se qytetarët që ishin të pranishëm në momentin e incidentit kanë ikur duke kapërcyer mbi karrige e tavolina, kështu duke u lënduar nga xhamat e thyer dhe sende të tjera.

Policia ka rrethuar vendin dhe tanimë sheshi është në situatë të qetë. Kurse organizatorët e festës së birrës kanë thënë se ky ka qenë incident i vogël, i cili në fakt ka shkaktuar panik të madh.