Itali, emigranti nga Kosova humb jetën tragjikisht në punë

Një aksident tragjik në vendin e punës i ka marrë jetën një emigranti kosovar 44 vjeçar, babai i 3 fëmijëve.

Ngjarja ka ndodhur një ditë më parë në një fabrikë në provincën e Trevizos.

44 vjeçari kosovar Shpëtim Gashi është shtypur nga një prezë mekanike vetëm pak minuta pas nisjes së turnit të punës në fabrikën e prodhimit të pjesëve për mobilje “3B shpa”.

Kanë qënë të pasukseshme tentativat e kolegëve të punës për t’i shpëtuar jetën si dhe të ekipit të ndihmës së shpejtë mjekësore që mbërriti në vendngjarje.

Shpëtim Gashi ishte i martuar e baba i tre fëmijëve të moshës 17, 14 e 2 vjeç.

Prej disa vitesh ai jetonte me familjen në komunën Ponte di Piave në provincën e Trevizos.

Autoritetet e drejtësisë italiane po hetojnë për zbardhjen e motiveve të këtij aksidenti tragjik.