Kamera jofunksionale prej më shumë se 2 muajsh,arrestohet zyrtari në Deçan

Po shkon drejt normalizimit situata krijuar në komunën e Deçanit, ku më shumë se 1500 banorë të fshatrave përreth u helmuan për disa ditë me radhë si pasojë e kontaminimit të ujit të pijshëm.

Në takimin e Shtabit për Menaxhimin e Emergjencave, kryetari i komunës Bashkim Ramosaj bëri të ditur se shpejti do të përfundojë edhe gjendja emergjente e shpallur disa ditë më parë.

Ndërkohë që policia e Kosovës ka vënë në pranga një zyrtar përgjegjës për kamerat e sigurisë pranë Grykës së Deçanit, nga ku merrej një pjesë e ujit të pijshëm që furnizon këtë komunë.

Ai u arrestua pasi u vërtetua që kamerat ishin jo funksionale prej më shumë se dy muajsh në këtë zonë. Ndërkohë Prokuroria e Pejës është duke vazhduar hetimet lidhur me shkaktarin e helmimeve në Deçan.

IKSHPK është duke kryer analiza të vazhdueshme të ujit, ndërsa disa mostra të pacientëve të helmuar janë dërguar për testim jashtë Kosovës.

Në, IKSHPK-ja tha se në mostrat e ujit të ujësjellësit të datës 13 Korrik nga rajoni i Deçanit, “janë identifikuar disa baktere jopatogjene” dhe se ato “mund të japin indikacion për kontaminim të ujit të pijshëm”.

Tv Klan