Kaos në kufirin Kosovë-Serbi, pritje disa orëshe

Në këtë periudhë pas përfundimit të festave të fundvitit janë krijuar kolona të gjata në pikën kufitare me Serbinë në Merdare.

Sipas të dhënave të Qendrës Kombëtare për Menaxhimin e Kufirit qytetarët të cilët kthehen nga Kosova nëpër vendet ku jetojnë në këtë pikë kufitare presin 2 orë për të dalë nga territori i Kosovës.

Sipas kësaj qendre, ata të cilët hyjnë në Kosovë përmes kësaj pike kufitare presin nga 5 deri në 10 minuta.

Ndryshe, edhe para festave kufiri mes Kosovës dhe Serbisë ka qenë i ngarkuar me pritje disa orëshe.