Koha e mirë dhe masat anti-covid, kosovarët dynden drejt Shqipërisë për fundjavë

Koha e mirë dhe masat e vëna nga qeveria Kurti, kanë bërë që shqiptarët e Kosovës sot t’ia mësyjnë me të madhe Shqipërisë. Nga pika kufitare e Morinës mësohet se janë krijuar kolona automjetesh që tanimë kanë marrë rrugën për në Shqipëri. Kosova aktualisht gjendet nën masa të rrepta anti-covid, që përfshijnë mbylljen totale të gastronomisë, përveç me ”Take Away” si dhe orën policore. Kosovarët kanë zgjedhur që ditët e fundjavës t’i kalojnë në Shqipëri, pasi që sot në Kosovë edhe ashtu në sektorin publik është ditë pushimi.