Komisioneri Varhelyi për tensionet Kosovë – Serbi: Siguroni lirinë e lëvizjes pa vonesë, veprimet e njëanshme s’janë zgjidhje!

Komisioneri për Zgjerim në Bashkimin Evropian, Oliver Varhelyi, ka reaguar lidhur me tensionet në kufijtë mes Kosovës dhe Serbisë, pas vendosjes së reciprocitetit për targat nga ana e Kosovës. Ky vendim ka shkaktuar pakënaqësi te serbët, të cilët kanë sjellë edhe situatën e tensionuar në kufi.

Përmes një postimi në “Twitter’, komisioneri Varhelyi u bën thirrje të dyja palëve që të përmbahen dhe të zvogëlojnë tensionet, duke iu kërkuar prerë që të sigurojnë lirinë e lëvizjes pa vonesë.

“Është e rëndësishme që Kosova dhe Serbia të tregojnë përmbajtje dhe të zvogëlojnë tensionet, t’i kthehen dialogut dhe të sigurojnë lirinë e lëvizjes pa vonesë. Veprimet e njëanshme nuk janë kurrë zgjidhje. Ato çojnë vetëm në tensione të panevojshme, ndaj dhe duhet të tërhiqen”, shkruan komisioneri Varheyli.

#Serbia #Kosovo It’s imperative to exercise restraint and deescalate the tensions, return to dialogue and ensure freedom of movement without delay. Unilateral actions are never a solution. They only lead to unnecessary tensions and should be withdrawn.

— Oliver Varhelyi (@OliverVarhelyi) September 22, 2021