Koronavirusi në Kosovë/ 304 raste të reja dhe asnjë humbje jete në 24 orët e fundit

Kosova ka shënuar 304 raste të reja me koronavirus në 24 orët e fundit. Për të disatën ditë me radhë, në vendin fqinj nuk është shënuar asnjë viktimë. Sot janë shëruar 3 qytetarë, derisa numri i përgjithshëm i të shëruarve është 158.134. Gjatë 24 orëve të fundit, janë vaksinuar 2.103 qytetarë.

Njoftimi i Ministrisë së Shëndetësisë:

09 Janar 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 2.103 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.692.762 doza të vaksinës.

Deri më sot 789.946 qytetarë janë vaksinuar me dozën e dytë.

Nga 10.042 testime, 304 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 3 qytetarë, derisa numri i përgjithshëm i të shëruarve është 158.134.

Në total numri i rasteve aktive është 1.552.