Korrigjimi i kufijve, Haradinaj: Kthehemi në të kaluarën tragjike

Kryeministri i Kosovës, Ramush Haradinaj deklaroi se korrigjimi i kufijve rrezikon kthimin në të kaluarën tragjike, ndërsa bisedimet me Serbinë duhet të çojnë në njohjen e ndërsjellë.

Gjatë takimit të Komisionit Parlamentar për Marrëveshjen e Stabilizim-Asociimit, Bashkim Europian-Kosovë, Haradinaj bëri të qartë se është i interesuar të arrihet një marrëveshje detyruese ligjore ndërmjet Kosovës dhe Serbisë, por kjo sipas tij nuk duhet të ndodh përmes territoreve dhe kufijve.

”Kur flasim për kufijtë i bie t’i kthehemi te shkuarës. Ne nuk jemi të interesuar të shohim rajonin dhe Ballkanin të kthehen mbrapa në atë kohë të tragjedive. E kaluara jonë ishte tragjike. Plagët janë ende të hapura në vendin tonë”, tha Haradinaj.