Kosovë, vdes në mbledhje anëtari i partisë së Pacollit

Një incident i tmerrshëm ka ndodhur sot në Kosovë. Anëtari i Këshillit të Komunës së Gjakovës, Gent Olloni, anëtar i partisë së Behgjet Pacollit, ka ndërruar papritmas jetë.

Olloni ka ndërruar jetë gjatë një mbledhjeje si pasojë e një infarkti të papritur në zemër.

Ndaj tij menjëherë, aty në sallë, kanë ndërhyrë asamblistët Jeton Vorfi (AKR) dhe Luan Golla (LDK) me profesion mjek, për t’i dhënë ndihmën e parë.

Më pas është thirrur ambulanca. Pas arritjes në ambulancë Olloni ka ndërruar jetë. Këtë e ka konfirmuar për Kallxo.com edhe mjeku kujdestar i emergjencës, Afrim Dervishi.