Kosovë- Zbulime të reja arkeologjike në Dresnik

Arkeologët nga Instituti Arkeologjik i Kosovës konsiderojnë se me këto është zbuluar një qytet dardan i periudhës romake. Për të parë nga afër punimet dhe gjetjet që janë bërë, sot në Dresnik ishte Ministri kosovar i Kulturës, Rinisë dhe Sportit, Memli Krasniqi. Ai përgëzoi arkeologët për punën që kanë bërë prej dy vjetesh dhe e konsideroi këtë lokalitet si tejet të rëndësishëm.

Kosovë- Zbulime të reja arkeologjike në Dresnik (2)“Padyshim se rezultatet nga gërmimet janë evidente. Dresniku është një prej lokaliteteve arkeologjike me të rëndësishme jo vetëm në Kosovë por edhe në rajon dhe si i tillë mbetet prioritet i yni edhe në vitet e ardhshme. Ne do të përkrahnim Institutin Arkeologjik që të vazhdojë gërmimet në këtë hapësirë prej rreth 30 hetarësh ku shtrihet ky qytet i lashtë”, ka thënë ministri Krasniqi. Ai shtoi se planet janë që Dresniku të jetë një nga pikat më të rëndësishme në Kosovë.

Kosovë- Zbulime të reja arkeologjike në Dresnik (3)“Përveç në gjetje të reja dhe konservim, siç kemi bërë nga fillimi ne do ta kemi Dresnikun prioritet të lartë dhe do të përkrahim Institutin Arkeologjik që këtë hapësirë ta transformoj në park arkeologjik, dhe të jetë një prej atraksioneve turistike të vendit tonë”, tha ai.

Arkeologu Masar Valla, që ka udhëhequr gërmimet në këtë lokalitet, tha se përveç te tjerash, zbulimet janë një kontribut i madh për shkencën. Valla tha se do të ketë punë të vazhdueshme deri në gërmimin e gjithë hapësirës, që do të qojë deri në zbulimin e tërësishëm të qytetit.

Kosovë- Zbulime të reja arkeologjike në Dresnik (4)Drejtoresha për Kulturë në Komunën e Klinës, Tushe Mehmetaj, tha se për komunën e tyre është mjaft e rëndësishme zbulimi i këtij qyteti dardan. Ky zbulim, tha ajo, do të jetë një element i rëndësishëm për zhvillimin e turizmit, si një aspekt i rëndësishëm për zhvillim ekonomik.