Kryeministri i Kosovës Hoti pritet nga presidenti francez Macron

Kosova E Martë, 7 Korrik 2020 14:36

Kryeministri i Kosovës, Avdullah Hoti u prit nga presidenti francez, Emmanuel Macron ditën e sotme (7 korrik) në Paris.

Ky takim ndërmjet Hotit dhe Macron, vjen disa ditë, para mbajtjes së një samiti virtual ndërmjet Kosovës dhe Serbisë.

Samiti virtual, që do të mbahet të premten, më 10 korrik, dhe organizohet nën ndërmjetësimit e presidentit francez, Macron e kancelares gjermane, Angela Merkel. Ky samit, ku merr pjesë edhe Përfaqësuesi i lartë i Bashkimit Evropian, Josep Borrell, thuhet se ka për qëllim lehtësimin e normalizimit të marrëdhënieve ndërmjet Kosovës dhe Serbisë.

Ndërkohë, më 12 korrik, kryeministri Hoti do të takohet në Bruksel me presidentin e Serbisë, Aleksandar Vuçiq.

Ky takim ndërmjet Hotit dhe Vuçiçit do të shënojë rinisjen e dialogut, nën ndërmjetësimin e Bashkimit Evropian.