Kur Thaçi këndonte “Kush gënjen se Serbia është e vogël”

Ish– komandanti i UÇK-së, tani shef i diplomacisë së Kosovës, Hashim Thaçi, ka kënduar këngën “Kush e thotë, kush gënjen se Serbia është e vogël”, por ai nuk ka qenë i dehur, ka thënë Rada Trajkoviç për gazetën “Blic” të Beogradit.

“Ka qenë viti 2000 kur delegacioni i serbëve dhe shqiptarëve ishte në SHBA. Atëherë për herë të parë dhe të fundit e kam dëgjuar Thaçin të flasë serbisht. Ai filloi të këndojë kur hymë në Departamentin e Shtetit”, tha Trajkoviç, raporton Koha.net.

Ajo ka thënë se Thaçi nuk ka qenë i dehur “siç po përpiqen ta mbrojnë”.

“Të tjerët qeshën, madje edhe serbët tanë. Mua nuk më dukej qesharake sepse ato ditë nga Kosova ishte tërhequr ushtria serbe. Atëherë e humba mikun. Ai ishte një provokim i Thaçit”, thotë Rada Trajkoviç, ish– deputete e Kuvendit të Kosovës.